मीडिया कडून खान्देशी कलाकारांचा अवमान
सध्या सोशल मीडिया वर सकाळ डिजिटल माध्यमातून ‘खान्देशी कलाकारांनी पुण्यातील १५० जनांना लुटले’ ही बातमी व्हिडीओ द्वारे प्रदर्शित करण्यात आली. या बातमीच्या शीर्षकवरून सर्वत्र खान्देशी कलाकार दुखावले गेले आहे. यामुळे सर्व खान्देशी कलाकार संतप्त असून लवकरात लवकर सकाळ ग्रुप ,पुणे यांना सदरील बातमीचे शीर्षक बदलावे ही विनंती करण्यात आली आहे.
दिनांक 23 सप्टेंबर रोजी सकाळ मीडियाने त्यांच्या फेसबुकद्वारे व इतर माध्यमातून बातमी प्रदर्शित करण्यात आली . या बातमीमध्ये नेमके काय आहे हे जाणून घेऊयात की हेमराज भावसार व दिपाली पवनीकर उर्फ दिपू क्वीन हे मुळचे खान्देशाचे आहेत यांनी मायक्रोफायनान्स कंपनी द्वारे कर्जाचे आमिष दाखवून पुण्यातील मुकुंद नगर परिसरातील लोकांकडून १२ लाख रुपये गंडवले व सुरतकडे पसार झालेत व पुणे पोलिसांनी त्यांचा मागोवा घेत व सापळा रचून त्या गुन्हेगारांना अटक करुन पुण्यात आणण्यात आले. हेमराज आणि दिपाली हे युट्यूबर आहेत .पण बर्‍याच दिवसांपासून ते पुण्यात रहात होते. या बातमीमुळे हे दोन्ही गुन्हेगार असून यांच्या नावाचा समावेश असायला हवा होता . पण तसे न करता संपूर्ण खान्देशी कलावंतांचा उल्लेख करण्यात आला आहे. यामुळे ‘खान्देशातील सर्वच कलाकार संतप्त झाले असून फिल्मी प्रवासाचे सीईओ प्रसाद सोनवणे व अस्सल खान्देशी कलाकार ग्रुप यांनी सकाळ मीडियाला बातमीचे शीर्षक मागे घेऊन त्यात योग्य तो बदल करून प्रदर्शित करण्यात यावी, यावे अशी विनंती केली आहे.